Oihane Vicente naiz, gizarte langilea eta dantza mugimendu terapeuta.

​

Gizarte Lana ikasi nuen bizitzeko mundu atseginago bat sortzeko ametsa nuelako.

​

Feminismoan, berdintasunean eta genero indarkerian espezializatu nintzen, eta horrek, gizarte honetan gure gorputzekin dugun harremana aztertzera eraman ninduen. 

​

Dantzarekiko dudan grinak eta gure gorputzekin konektatzeko duen indarrak, Dantza Mugimendu Terapiako masterra egitera eraman ninduen Bartzelonako Unibertsitate Autonomoan (UAB).

​

2015etik, taldeekin eta norbanakoekin lan egiten dut,  Dantza Mugimendu Terapiaren bidez.

​

Terapeuta bezala, ikuspegi intersekzionala eskaintzen dut, pertsonen testuinguru osoa hartzen dut kontutan: bizi historia, familia, gustuak eta nahiak, traumak, gaitasunak eta zailtasunak, komunitatearekin erlazionatzeko dituzten joera besteak beste.

​

Ziklizitatea lan arlo garrantzitsua da niretzat, pertsonak ziklikoak garela ulertzen dut, bai hilerokoa dutenak baita ez dutenak ere. Bizi etapa bakoitzean norbere gorputza entzuteak, barne erritmoak eta beharrak identifikatzen eta ahalik eta modu zintzoenean errespetatzen laguntzen gaitu.

​

Pertsona bakoitza bakarra da, eta pertsona bakoitzari laguntzeko modua ere desberdina da; prozesu bakoitzaren beharretara egokitzea da harreman terapeutikoaren oinarria.

​

Eta guzti hau epairik gabeko espazio seguru eta konfidentzial bat sortuz egingo dugu, zure erritmoan.