GORPUZTEN
Irakasleentzako zaintza eta sormen espazioa.
Mugimendua, harremanak eta gorputzaren kontzientzia erdigunean jarriz.
Proiektuaren jatorria:
Adimen emozionala, enpatia, entzute aktiboa, sormena eta gorputzari espazioa ematea zer da?
Teoriatik praktikarako zubiak nola eraiki?
Nola hezi ikasleak guk geuk askotan gorpuztuta ez ditugun kontzeptu batzuetan.
Barrura begira:
Norbere burua ezagutu eta norbere mugak ezartzen ikastea ezinbestekoa da heziketa prozesu batean. Norbere beharrak entzutea, gorputza entzuten ikastetik dator, espazioa ematen hain erosoak ez diren hainbat barne gatazka, emozio edo zalantzei.
Taldea:
Gorputzera bidean talde prozesu bat izango da, zeinetan norbere mugetatik haratago joango garen, talde dinamikak norbere gorputzean biziz.
Taldeari gure bizipenak elkarbanatuz eta aldi berean, besteak entzun, ulertu eta onartzeko prozesua eginez.
Zaintza:
Elkarzaintza, elkarbizitzarako ezinbesteko prozesu bat dela uste dut.
Elkarbizitza eraikitzeko, sormena erabiliko dugu eta jolasari ere dagokion espazioa emango diogu. Honek, bapatekotasunarekin eta gure esentziarekin konektatuko gaitu.
Gorputza:
Dantza mugimendu terapiak, epairik gabeko espazio bat eskaintzen digu. Banakako eta taldeko pauta eta dinamika ezberdinen bidez, gure gorputza entzuten eta gure taldean harremantzeko modua ezagutzen joango gara. Gorputzaren kontzientzia hartzen ikasteko dinamikak , dantza, mugimendua, pintura, idazketa, musika eta material ezberdinak erabiliko ditugu saioetan zehar.
Informazio praktikoa:
Nori zuzendua:
Taldeekin lan egiten duten irakasle eta hezitzaileei zuzendua.
Egutegia:
2026ko urritik 2027ko ekainera
Irailak 25 (froga saioa)
Urriak 9 eta 23
Azaroak 13 eta 27
Abenduak 4 eta 11
Urtarrilak 15 eta 29
Otsailak 12 eta 26
Martxoak 5 eta 19
Apirilak 23 eta 30
Maiatzak 7 eta 21
Ekainak 4 eta 11
(ikasturte osorako konpromisoa eskatzen da talde prozesuaren garapen egokirako)
Plazak mugatuak dira.
Ordutegia:
ostiraletan, 18:00-20:00
Ekarpena:
60 € /hilean
Iraileko froga saioa: 20 €
Lekua:
Ez da formakuntza bat, baina seguru gauzak ikasiko dituzula.
Ikasturteak aurrera egin ahala, autoezagutza prozesu batean murgilduta zaudela konturatuko zara.
Ez da aurretiazko esperientziarik behar parte hartzeko.
Irakurri duzun zerbaitek zure interesa piztu badu, zatoz iralaren 25ean egingo dugun froga saiora.
Gorputzak esateko daukana deskubritzeko prest?